Lès di kompiuter

Lès di musika

Zumba fitness

Apresiado bishitante,


Na nòmber di direktiva di Fundashon Pro Souax, nos empleadonan i boluntarionan mi ke yama bo bon biní riba www.fundashonprosouax.org e “website” di Fundashon Pro Souax.

Komo organisashon di bario, ya pa diesinku aña, Fundashon Pro Souax ta sirbi e barionan ku ta situá den zona Souax,esta e barionan Souax, Zegu, Gato, Ser’i Kandela i bisindario. Nos trabou diario ta konsistí den hasi posibel pa habitantenan pa medio di aktividat i proyekto, partisipá na esakinan i konsekuentemente yuda nan den e proseso pa alsa aun mas nan kalidat di bida i empoderá nan mes. Nos grupo meta no solamente ta unu amplio pero tambe variá, konsistiendo di mucha, hoben, adulto i adulto mayor.

Nos punto di lansa i e liña kòrá den nos trabou diario di sirbi bario ta, pa yuda forma e habitante di e diferente gruponan aki, pa medio di traspaso di konosementu. Den e proseso di traspaso di konosementu, komunikashon bon balansá ta importante i instrumental. E forma di komuniká ta mes importante ku kontenido di e informashon i e momentu di informá. Último añanan nos a oumentá poulatinamente e diferente formanan di informá i komuniká.

Ku lansamentu di www.fundashonprosouax.org, Fundashon Pro Souax ta spera di por alkansá di un forma kla, komprendibel i efektivo aun mas habitante di Souax i bisindario.          

Riba www.fundashonprosouax.org bo ta haña informashon tokante nos aktividatnan, proyektonan i akshonnan na interes di bario di Souax. E informashonnan i e ilustrashonnan pa medio di potrèt riba  www.fundashonprosouax.org, ta yuda nos tene bo na altura di nos trabou pa bario.

Danki pa bishitá www.fundashonprosouax.org
Bo ta bon biní pa djòin nos aktividatnan sea komo partisipante, sostenedó òf boluntario .

 

Ku saludo kordial,


Juny J. Sluis
Presidente di Fundashon Pro Souax