Lès di kompiuter

Lès di musika

Zumba fitness

Na aña 1997 algun habitante di bario a forma un komishon di bario pa kuminsá traha pa logra trese progreso den bario. Despues di a funshoná pa 1 aña largu komo komishon di bario di Souax, miembronan di e komishon aki a funda riba 29 di aprel di aña 1998, Fundashon Pro Souax.


Meta di e fundashon ta pa entamá, organisá i realisá tur loke ta nesesario pa:

  • Krea i mantené un ambiente agradabel i un nivel di bida aseptabel den bario di Souax i bisindario.
  • Yuda promové bienestar di e habitantenan di bario di Souax i bisindario entre otro dor di empoderá nan, stimulá nan outosufisiensia i stimulá praktikamentu di konvivensia i solidaridat entre nan.


Pa por logra e metanan aki Fundashon Pro Souax ta entamá akshon, organisá aktividat i realisá proyektonan di karakter deportivo, edukativo, sosial, rekreativo i kultural.
Sede di Fundashon Pro Souax ta na Sentro di bario Souax i e grupo meta di Fundashon Pro Souax ta mucha, hoben, adulto i adulto mayor di Souax i bisindario.