Lès di kompiuter

Lès di musika

Zumba fitness

 

Entre e diferente proyektonan ku Fundashon Pro Souax a realisá den kurso di aña tin tambe konstrukshon i maneho di un sentro di bario pa e bario di Souax. Sentro di bario Souax ta situá na Kaya Heller # 5 i aparte di ta e sentro for di kua i den kua Fundashon Pro Souax ta organisá tur su aktividatnan pa bario, e ta tambe e sede di Fundashon Pro Souax. Sentro di bario Souax ta empleá 3 trahadó parttime i 2 trahadó fulltime. Aparte di e 5 empleadonan aki Sentro di bario Souax tin tambe un mènedjer.

E mènedjer ta responsabel pa e maneho diario di e sentro di bario. Kaminda awe Sentro di bario Souax ta ubiká tabata tin insialmente un seru di greis. Despues di a kumpra e tereno pa un suma simbóliko serka herederonan Helmyr, Fundashon Pro Souax ku sosten finansiero di Aqualectra NV a deshasí di e seru di greis. Despues di esei, ku yudansa finansiero di Samenwerkende Fondsen a traha e sentro di bario. Den un fase mas despues a sigui tambe: konstrukshon di un kancha di deporte, konstrukshon di un kas pa kònsèrzje ku awendia ta den uzo komo kantor pa e sentro di bario i iluminashon pa e kancha di deporte. Resientemente ku yudansa atrobe di Samenwerkende Fondsen, Fundashon Pro Souax a ampliá e sentro di bario ku un espasio kubrí, un lokal i un magazein. Den e mesun proyekto aki Fundashon Pro Souax a asfaltá e tereno di Sentro di bario Souax pa asina e fasilidat ta mihó asesibel pa usuarionan di e sentro.


Sentro di bario Souax ku eksepshon di djadumingu ta den uzo tur dia for di mainta te anochi. Den kuadro pa logra nos meta, tur aktividatnan, proyektonan i akshonnan di Fundashon Pro Souax te asina leu ku esei ta posibel ta tuma lugá na Sentro di bario Souax.  Sentro di bario Souax tin e siguiente orario:

 

  Mainta Atardi / Anochi
Djaluna 8.00 - 12.00 16.00 - 20.00
Djamars 8.00 - 12.00 16.00 - 21.00
Djarason 8.00 - 12.00 16.00 - 20.00
Djawebs 8.00 - 12.00 16.00 - 21.00
Djabierne 8.00 - 12.00 16.00 - 19.00
Djasabra 10.00 - 12.00